ئوباما رۇسىيە ۋە ئۇكرائىنا ئەمەلدارلىرىنى جازالايدىغانلىقىنى بىلدۈرى

مەنبە:

تەھرىر: ablatjan

يوللانغان ۋاقتى: 2014-03-18 19:17:17

ئامېرىكا پېرېزىدېنتى ئوباما تۈنۈگۈن يەتتە نەپەر رۇسىيە ئەمەلدارى ۋە تۆت نەپەر ئۇكرائىنا ئەمەلدارىنى جازالايدىغانلىقىنى جاكارلىدى.

ئاق ساراي شۇ كۈنى بايانات ئېلان قىلىپ مۇنداق دېدى: ئوباما مەمۇرىي بۇيرۇق ئىمزالاش ئارقىلىق ئۇكرائىنانىڭ ئىگىلىك ھوقۇقىغا ۋە زېمىن پۈتۈنلۈكىگە دەخلى تەرۇز قىلىشتا مەسئولىيىتى بولغان رۇسىيە ۋە ئۇكرائىنا ئەمەلدارلىرىغا ۋىزىسىنى مەنئىي قىلىش ۋە مال مۈلۈكىنى توڭلىشتى قاتارلىق جازا تەدبىرلىرىنى قوللىنىدىغانلىقىنى جاكارلىدى.

ئامېرىكىنىڭ جازالىشىغا ئۇچرىغان رۇسىيە ئەمەلدارلىرى رۇسىيە پېرېزىدېنتى پۇتىننىڭ ئىككى نەپەر مەسلىھەتچىسى شۇنداقلا رۇسىيەنىڭ مۇئاۋىن باش مىنىستىرى دېمىتىرى روگچىننى ئۆز ئىچىگە ئالىدىكەن. جازاغا ئۇچرىغان ئۇكرائىنانىڭ ئەمەلدارلىرى ئۇكرائىنانىڭ سابىق پېرىزىدېنتى يانوكوۋىچ ۋە قىرىمنىڭ باش مىنسىتىرى سىرگى ئاكسىنوۋنى ئۆز ئىچىگە ئالىدىكەن.

خەۋەرلەرگە قارىغاندا، ياۋروپا ئەللىرى ئىتتىپاقى تۈنۈگۈن دىپلوماتىيە مىنىستىرلىرى يىغىنى ئاچقان ھەم ئاخبارات ئېلان قىلىپ مۇنداق دېگەن: ياۋروپا ئەللىرى ئىتتىپاقى بۈگۈندىن باشلاپ، ئۇكرائىنانىڭ ئىگىلىك ھوقۇقىغا بۇزغۇنچىلىق قىلىشتا مەسئۇلىيىتى بولغان 21 ئادەمگە ساياھەت قىلىشىنى چەكلەش، ئۇلارنىڭ ياۋروپا ئەللىرى ئىتتىپاقىدىكى مال-مۈلۈكىنى توڭلىتىش قاتارلىق ئىقتىسادى جازا يۈرگۈزۈشنى قارار قىلدى. ئاخباراتتا ئېيتىلىشىچە، بۇ 21 ئادەم ياكى ئۇلارنىڭ ئاپپاراتلىرى ئۇكرائىنانىڭ زېمىن پۈتۈنلۈكى، ئىگىلىك ھوقۇقى ۋە مۇستەقىللىقىغا بۇزغۇنچىلىق قىلغان ۋە تەھدىد سالغان، لېكىن ئۇلارنىڭ ئىسىملىكى ئېلان قىلىنمىغان.


مۇناسىۋەتلىك مەزمونلار

شىركەت ھەققىدە بىكەت ھەققىدە ئېلان مۇلازىمىتى بانكا نۇمۇرى ئالاقىلىشىڭ كىرىش

شىنجاڭ باغداش ئېلىكترون پەن-تېخنىكا چەكلىك شىركىتى

ئۈرۈمچى شەھىرى غالىبىيەت يولى ئاقتاش گۈللىكى A بىنا 1206-نۇمۇر

ئېلان ھەمكارلىق تېلفۇنى : 13999846529 , 5155117-0991

Copyright © 2005-2015 Bagdax.Cn All Rights Reserved.

备案/许可证编号:新ICP备06003611号-1

新疆巴柯达什电子科技有限公司版权所有